撞車後首復工!楊思琦一提老公有冇呵番即避忌

2021年04月08日 15:40
東網電視
更多新聞短片
藝人楊思琦上月揸車被另一部車攔腰撞擊,頭及頸均告受傷,休息多天後她今日第一日復工,拍攝ViuTV節目《中女唔易做》,現場見她頸梗梗,她表示頭暈了3至4日,至今仍然頭痛,要食止痛藥,2個星期後要覆診,配合針灸中西合璧治療。
她指撞車時仔女和媽咪在車內,平日女兒坐車會挨着車門玻璃,好彩撞車當刻囡囡沒有挨玻璃,否則不單止撞傷手。她說:「女有嚇到喊,airbag彈出嚟嚇親,(受傷損失工作?)原本撞完第二日有工作,可惜要取消,總之有損失,希望之後搵番啲工作,同埋全家健康。」
問到老公有否呵番,她有點避忌,表示這問題好難答:「因為我頭痛瞓唔到,佢有安慰吓,頭痛就幫唔到我。(佢幫手照顧仔女?)屋企人都有幫手。」節目中她擔任「散打王」,一人兼做幾份工包括珍珠奶茶店、花店、生果店和派傳單。她指選港姐後只打過電視台一份工,笑言現「打」得最多。