失寵冇工開?朱晨麗否認:工作冇停過

2021年04月08日 16:01
東網電視
更多新聞短片
「舞」得頂!
藝人朱晨麗(朱朱)、劉佩玥(Moon)及鄧佩儀在電視城為《開心大綜藝》排舞,期間副總經理曾志偉探班。鄧佩儀笑言自己本身沒有舞底:「所以要死練,日練夜練,排咗3日左右,再各自喺屋企練。」又笑言凌晨在家排舞太嘈,被樓上敲地板投訴,而Moon笑言在家戴住耳筒一路行路一路跳舞。本身有舞蹈底子的朱朱就表示今次表演是她們3個女仔的主意:「搵導師、梳頭化妝,再諗idea畀佢哋,希望個表演會完整,我哋日日都努力排舞,雖然頭先有少少甩漏,所以都要多啲時間排練,我哋每日2點至11點喺度排練。」
講到節目星期日開始播出,由她們打響頭炮,對撼ViuTV的《最後一屆口罩小姐總決賽》,朱朱笑言:「係咩?我哋有唔同嘅睇頭。(有信心?)大家係唔同嘅表演。」Moon亦表示:「我哋全部係直播,希望畀大家睇到我哋嘅心意,唔需要比較,我哋同人哋都係落足心機做。」講到志偉來監場,可大壓力?Moon表示:「又冇緊張,邊個睇都好,想畀好嘅表演大家睇,頭先監製同曾生都喺度睇,唔覺得係壓力,反而係打氣,本身其實今日都未warm up跳晒成首歌,所以頭先好似個突擊檢查。」
另外,提到朱朱一段時間沒有劇出,她表示:「等公司安排,作為演員被動,都要各方面配合。」講到盛傳因前無綫主席陳國強離巢後,遭打入冷宮,她說:「傳啫,根本係冇呢件事,演員係好被動,要睇吓有冇啱嘅角色同(檔)期啱先會畀你去做。」她表示自己的工作沒有停過,她演出的電影及劇集尚未推出,她覺得大家不需要想太多,亦有傳她約滿後不再續約,她說:「傳啫,信唔信呢,你哋自己放長雙眼嚟睇。」至於合約年期,她就表示不便透露。