陳瀅同馬德鐘水底「激戰」：感覺好赤裸！

藝人陳瀅到電視城為新劇《伙記辦大事》宣傳，講到她主演的《愛美麗狂想曲》及此劇均霸佔兩個黃金時段播出，她表示：「《愛》其實之前已經播咗，好多fans都話已經睇咗，依家呢套就會新鮮啲，好彩剪咗頭髮，《愛》係長頭髮，呢套就短頭髮，角色都唔同，畀大家唔同感受。（第一次同時兩套劇出？ ）都係，呢排未開劇，所以晚晚都會煲劇，頭先睇咗啲剪片都好期待。」

她又想起當時拍攝賽車的鏡頭：「拍啲飄移戲，拍拍吓先知原來真係咁勁，我同另外個女演員拍完都有啲眼濕濕，佢話嗌到癲咗，但我就唔可以叫出嚟，因為我嘅角色要型，所以我嗰陣係心慌，但眼神又要好堅定，又要拍唔同鏡頭，有唔同速度，我拍完要打畀經理人同埋監製安慰我。」

劇中她與馬德鐘有感情線，預告有「水乳交融」的水底親密戲：「嗰日我哋去到泳池拍水底戲，要着住泳衣，我哋2個又唔可以化妝、又冇gel頭，感覺好赤裸，都驚會冇美感，未試過喺水底拍親密戲，都幾難，因為又要顧水底角度又要有美感。」