相隔20年再合作!歐陽震華馬德鐘唔諗收視口碑最緊要

2021年04月08日 17:27
東網電視
更多新聞短片
藝人歐陽震華(Bobby)及馬德鐘兩大視帝到電視城為下周播出的新劇《伙記辦大事》宣傳,未能出席的女主角萬綺雯就以紙牌人「現身」及預先拍下片段,而楊明亦未有出席。兩位男主角對上一次合作已是逾20年前的《陀槍師姐II》,馬德鐘就謂記得與對方合作《醉打金枝》:「嗰陣我仲係7、8、9線演員,有得同Bobby合作已經好開心,今次直頭可以鬥戲,真係心心眼!」Bobby亦笑言:「好認得你,其實都好感恩,當時我係男主角,到依家都未退休,而佢亦已成為視帝,依家一齊合作好開心,之前胡定欣又係,由佢細路女等到依家可以做一對。」
問到有「收視福將」之稱的Bobby對收視可信心?他認為口碑緊要過收視:「有得出街好開心,套劇上年年頭拍完,都1年要出街,再唔出啲車款都變舊款啦,哈哈。」馬德鐘亦謂沒想收視,每位演員都很畀心機演戲。講到同劇有交通意外官非纏身的楊明,問到可怕惹來外界抨擊?Bobby說事件已進入司法程序,故不多談。而講到萬綺雯未有出席,他就笑言對方已在內地落地生根,又大爆對方計劃在浙江開民宿:「嗰度有山有水好靚,佢叫我哋可以上去玩吓,等遲啲通關可以去睇吓。」