陳楨怡愛上長腿Oppa黐到實！當自己拍緊韓劇

港姐亞軍陳楨怡生得高挑之餘，又有個富爸爸，令唔少絲打羨慕不已。佢近排愈來愈多Job，實行向演藝事業全力發展，最近仲接咗個Job，同一位韓國長腿Oppa拍廣告，開心到好似拍韓劇咁，睇佢個樣就知幾冧！

佢仲喺社交網Post多相「Behind the Scene」（鏡頭背後）嘅靚相，見佢全程挨住Oppa，十足小情侶咁，陳楨怡仲留言：「現場一路拍一路睇番自己啲表情playback，好滿足，唔知大家鍾唔鍾意我呢個韓look呢？」唔少網民都讚佢本身個樣已有韓國Feel，同Oppa簡直襯到絕！