小儀奉旨任摸小鮮肉：咪講到我似女色狼！

藝人小儀、楊思琦、康子妮、趙學而、朱薰和杜如風6位中女拍攝節目《中女唔易做》，小儀做了2日農夫，不怕小昆蟲的她，慶幸冇見到最令她害怕的蛇和青蛙，但如廁時被四腳蛇嚇到大叫，好彩當時未開機，又透露收割時甚為蝦碌，好菜變爛菜。

提到她在另一節目《考有Feel》被好多小鮮肉圍，這次做農夫時，有沒有被農夫圍？她指現場全是女農夫，笑指未知ViuTV是否怕她「食晒啲仔」，笑說：「之前食到飽晒，我好似動物冬眠前儲定糧一樣，個節目好笑，自己喺隔離睇到好開心兼流晒口水，不過唔好講到我好似女色狼咁，搞到啲男人彈走晒。」她強調是為節目效果才摸對方：「不過想摸嘅都摸晒，無憾喇，夠料出自傳。」