徐寶鳳疫情零收入　內地製作公司蝕到計唔到

藝人徐寶鳳於酒樓舉行生日會，透露疫情下已比往年開少幾圍，少請了朋友到場，但笑指禮物利是照收：「我教朋友記我生日好容易，今日4月8日生日，咪記住『死八婆』或者『死都要發』囉！（生日願望係咩呀？）想疫情快點過去，真係好悶。（復出？）我一直冇話退休或者復出，有啱嘅角色都會玩吓！」更指疫情下少了登台工作，就連於深圳投資的製作公司也被逼停工，於零收入下，最後蝕錢要同幾位股東攤分。（蝕幾多？）計唔到。」雖然收入受影響，但她慶幸也有投資其他生意幫補。