苟芸慧逆齡進化變少女　搣甩「肥苟」現瓜子臉

藝人苟芸慧（苟姑娘）曾因甲狀腺出現問題導致暴肥，高峰期體重更高達170磅，及後佢努力做運動及靠中醫調理成功收身，搣甩「肥苟」稱號。呢日佢喺社交網上載自拍片段，透露去咗做Spa，並留言：「寵愛自己。」片中見佢赤膊上陣，大騷白滑香肩及迷人鎖骨，不過最驚喜就係佢似乎進一步變瘦，超尖瓜子臉加上緊緻皮膚，而且面色紅潤，令唔少網友大讚佢「逆齡」，充滿少女味道。