被爸爸催追番個女　洪天明自認仲係嘭嘭聲

藝人洪天明為薛家燕主持的電台節目任嘉賓，表示稍後將返內地拍劇及繼續經營保健用品生意，最少逗留3個月，預計兒子生日也未能一起慶祝，只能送禮物補數，太太周家蔚則計劃暑假帶他們到內地探望，故寄望盡快通關。

已有兩個寶貝仔的他，坦言父親洪金寶一直想他追個女，太太去年亦想實行，奈何疫情再加上年紀問題，後來又作罷。問到是否嫌棄他年紀大？天明笑說：「我嘭嘭聲，順其自然啦！追孫女責任可以畀我兩個細佬。」

另外，薛家燕表示留意無綫大股東兼非執行董事黎瑞剛狠批公司的相關報道，亦認同某些內容：「改革提議要改進音響。（點睇山頭文化？）阿姐（汪明荃）咁講有佢理由，好多公司有呢啲問題，其實覺得做藝人唔好分黨分派，盡力做好自己工作，有留意到同事拍劇辛苦，希望畀多啲時間休息，好人才要留，好劇本都難求，所以編劇都要重用。」講到幾線劇集所用演員重複，她說：「所以曾志偉話要加強捧新人，咁有啲劇係拍得好好，但唔可以話套套精，時段安排上可以檢討吓。」