歌手唔易做　蔣嘉瑩冇經濟壓力：屋企係我ATM

歌手蔣嘉瑩晚上於觀塘舉行網上直播騷，邀請師弟妹何嘉銘和浠彤任嘉賓，她說會定時逢周五在個人平台開Live，與粉絲互動，維持樂隊有工開，發放正能量，她說：「有時粉絲即場點唱，都會被考起，佢哋點我唱，佢哋又好開心，鍾意睇現場蝦碌，我唔識唱都照唱一段，有數必找。」

提到開Live的開支同公司一人一半，幸有部份贊助，形容做歌手不容易，問她會否搵兼職幫補，她說：「屋企就係我ATM（自動提款機），經濟上有屋企支持，兼職就係湊仔。」她表示去年籌備在九展開實體個唱，受疫情影響兩度延期，最後無奈取消，暫開騷無期，她說：「我好驚再三失望，所以想等疫情穩定再搞，始終第一次開個唱，自己花咗好多心血做準備，想搞好啲。」