陳友做負心爸爸 李璧琦龔柯允眼淺喊餐飽

2021年04月08日 23:16
東網電視
更多新聞短片
藝人陳友、李璧琦與龔柯允演出的電影《等一個擁抱》2019年拍攝,但因疫情直到近期才上映。戲中的陳友有別過往生鬼演出,今次相當正經扮演一個患有腦退化症的角色,與過往演出的角色分別極大,他說:「今次呢個角色唔係喜劇,係正戲嚟,同過往演出過嘅電影唔同,感覺好陌生。」
戲中拋妻棄女的他晚年充滿遺憾,希望獲戲中兩位女兒李璧琦與龔柯允原諒,自言是眼淺怪的璧琦戲中自然喊餐飽,戲外則要請陳友食海鮮,他笑說:「喺大澳一路拍攝,見到啲海鮮好正,我又冇錢喺身,咪叫佢幫我找數,哈哈。」她笑說:「其實我都冇銀包喺身,只係有少少錢攝咗喺電話度,哈哈。」
龔柯允戲中對負心爸爸恨之入骨,但戲外卻相當尊重他,她說:「自己係新人,友哥一邊拍,一邊教我,令到我好快上手,仲提點我要減少啲表情,咁演繹先會自然。」
李璧琦髮型:Simon@leighton aveda
龔柯允服裝:Novelty Lane