陳庭欣傳今年結婚進駐九肚山3,000呎豪宅

20210409
東網電視
更多新聞短片
前港姐冠軍陳庭欣(Toby)同有米男友楊振源(Benny)拍拖以來恩愛非常,不過之前傳過Benny桃花旺盛,搞到Toby嬲爆!
唔知係咪為咗氹番女友,有傳Benny泵水,以月租10萬元,為Toby租下實用面積超過3,000呎嘅九肚山澐灃單號洋房,該單位更設有大花園同天台,啱晒鍾意養小動物嘅Toby。
有指Toby於農曆新年後已遷入新居,但Toby都好小心,冇喺社交網露出任何端倪,更有傳Benny都想畀個名分Toby,計劃於今年結婚,如果係真係就恭喜晒!
而Toby接受東網訪問時,被問及是否今年結婚?她表示:「大家send畀我嘅『恭喜』可以回收啦,因為冇咁嘅事,謝謝!其實都被傳咗好多次啦,天窗就未拉埋,不過今日屋企啲門窗就拉埋晒,因為落雨。大家有心啦,謝謝!(進駐九肚山豪宅?)住址呢啲咁私人嘅事,希望畀啲私隱我啦,謝謝!(男友想氹番你所以租豪宅畀你住?)呢個係大家想像力豐富啫!」