拍拖寧缺勿濫！陳婉婷用幾招睇清男人

「最索丫鬟」陳婉婷（Hebe）早前擔任婚紗代言人，奉旨着婚紗，自言愈着得多，愈有憧憬，成日幻想自己的婚禮，希望擁有一個海洋為主題的婚禮，故沖繩旅行結婚是她的夢想，認真浪漫。

現時單身的Hebe，自認是個寧缺勿濫的人，她說：「我會用好多時間去睇清楚一個人，所以其實都唔容易會同人一齊，人哋話睇一個男仔好唔好，唔係淨係睇佢追你嘅時候，係要睇佢點樣對其他人，好似屋企人、敵人，甚至工人姐姐。（第時當你好似工人姐姐咁？）係睇佢善唔善良，品德好唔好。我好鍾意小朋友，如果佢善良正直，就可以教好個小朋友。」