方力申兩日只得凍齋啡落肚！面對引誘一於Say No

方力申近年積極操弗，佢最近更玩斷食，但喺美食當前，佢有幾慘？小方喺社交網上載短片，片中佢同一班兄弟食早餐，見佢啲兄弟大吃大喝，小方又點呢？佢只係揸住一杯凍齋啡！

見到咁多引誘，小方一開始都係講No！然後教練同佢講游完水梗係要補充體力，佢一樣Say No；跟住第2日有兄弟話間餐廳嘅沙嗲牛麵好出名，佢都唔食；去到第3日，又有人同佢講淨飲都要夾錢，佢一於唔食；去到第4日已經冇人理佢喇，由得佢飲齋啡......然而，小方兩日以來，就只係飲咗杯凍齋啡落過肚，不過佢就話：「意志力勝於一切！」