外國人思想!黃碧蓮嫌港男唔吸引

2021年04月09日 13:21
東網電視
更多新聞短片
黃碧蓮依家都要靠拼音背稿。
藝人黃碧蓮早前出席公開活動,透露剛完成兩部劇集拍攝,但發現讀廣東話對白時,仍有很多進步空間,自爆早前被《星空下的仁醫》監製召返公司配音,她說:「佢仲話本身諗住叫人配添!好無奈!劇入面我演實習醫生,同馬國明有對手戲,入面要講好多專業名詞,好在係英文冇咩大問題,可能廣東話差少少,今年希望拍多啲劇,等我練習多啲!」
雖然來港已有一段時間,但碧蓮表示平時睇稿也靠拼音,幸身邊有位中文程度高的朋友幫忙,為她解決不少難題。問到她可有拍拖?碧蓮笑說:「一時時,有時識下朋友,都係了解中,未有一個可以進一步,外國啲年輕人思想唔同啲,做住朋友先都得,未必當係男女朋友。(識個香港男友囉!)好多人咁提議,但未有一個香港男仔令我好想拍拖,依家了解緊嘅男仔都唔喺香港!」
而近日忙於搬屋的她,表示很高興可以學習獨立,問到可有掛念身在加拿大的家人?她說:「媽咪有叫我返去,因為佢可以煲湯我飲,但我想喺香港發展事業,同埋佢有3個女,所以我唔喺身邊都ok嘅。」