爆笑場面驚喜曝光！陳家樂岑珈其朱栢康好啱Key

由陳茂賢執導，陳家樂、衛詩雅（Michelle）、談善言（阿談）、朱栢康（朱康）、岑珈其、楊偲泳（Renci）合演的英皇電影《不日成婚》，上映前榮獲2021年「金馬奇幻影展」垂青，被列入「喜劇萬花筒」單元項目，成為本屆唯一一齣入圍的香港電影，繼而再被選為本屆「芝加哥亞洲躍動影展」的閉幕電影，備受國際影展重視及肯定，《不》更被譽為「近十年來最成功的本土愛情喜劇」！

家樂在戲中與朱栢康及岑珈其是好兄弟，經常幫已婚的朱栢康抵擋惡妻談善言狙擊。有場戲講述朱栢康傳短訊給老婆，本來想打「傻瓜」，卻將「瓜」字打成「西」，搞到兩個兄弟都替他心慌慌！

忍唔到笑要「萬歲」

家樂直言現實中亦試過同樣情況：「其實我都唔識打個『瓜』字，惟有先打個『西』字，再搜尋個『瓜』字，慶幸未試過忘記刪走個『西』字，但一睇劇本已感覺呢個笑話好真實！」

該片早前有優先場，不少觀眾大讚3位男角擦出的火花，甚有當年《風塵三俠》影子，朱栢康表示大家相當啱Key：「拍攝前，導演用咗好長時間同演員圍讀、傾劇本，加上我哋本身早已認識，一埋位，大家自然好放得開！」拍攝打錯短訊一幕時，適逢導演提出「忍笑龍虎榜」比賽，最不能忍笑的一個要接受懲罰，「萬歲」請食飯！雖然還未結算，但朱栢康預測家樂會跑出：「因為佢係一個誠實嘅好孩子，每次都會主動招認，我同珈其相對狡猾，會話係劇情一部分。」

至於飾演惡妻的談善言，現實中亦遇過手機蝦碌事件：「試過唔小心掂到個電話，誤打畀一位唔相熟嘅前輩，想收線嗰陣手機又失靈，好彩冇人聽，之後我急急傳短訊畀對方道歉。」