倪晨曦收身大成功！終於搵番條24吋黃蜂腰

倪晨曦去年生完B仔後積極收身，上個月中佢晒出做運動相時已經好弗，不過網民就嫌佢條腰唔夠幼，話再減就Perfect！相隔唔夠一個月，佢條纖腰終於煉成，佢仲將成果放上社交網同大家分享。

只見佢着住Sport Bra行水塘，成條黃蜂腰出晒嚟，佢仲好自豪留言：「傳說的24吋腰，很久不見了‍，你知道我一直在找你嗎？」佢又話自己產後一個半月開始做紮身，總共紮咗10日，紮完後腰圍立刻減咗3吋！好多網友都話佢好有毅力收身，依家仲弗過未生之前呀！