【搶陳楨怡頭啖湯】謝嘉怡地獄式特訓廣東話　殺入《愛．回家》

《愛．回家之開心速遞》是近年處境劇之「聖殿」，許多演員如周嘉洛、林凱恩等因該劇人氣急升，「入得《愛．回家》就會紅」似乎成為上位捷徑。

如今落選港姐廖慧儀是非稱霸，但暫時未有實質演藝工作。相反同屆港姐冠軍謝嘉怡甚有觀眾緣，當選不久已接拍廣告，又不時獲安排參演綜藝節目攞演出經驗。可是謝嘉怡從外國回流返港，最大弱點就是廣東話唔鹹唔淡，為了增值自己學好廣東話，她進行地獄式特訓。

見她每次開工前，很落力做筆記，把講稿用英文寫得密密麻麻，全都是廣東話拼音，實行將勤補拙！她的努力終於得到回報，憑不斷努力學習廣東話，加上其可愛、率真及勤力的性格，深得無綫高層曾勵珍欣賞，令她在同屆港姐率先跑出，搶了亞軍陳楨怡頭啖湯，有指正安排她加入《愛．回家》劇組，勢令其人氣繼續標升。

其實陳楨怡去年當選後已講明很想拍《愛．回家》，因為她想跟周嘉洛合作，又講笑話不介意不穿高踭鞋，令大家更加匹配。如今謝嘉怡先入《愛．回家》，陳楨怡也等着這個機會呢！