黃樹棠病逝　陳煒悼念：冇架子係一個好好嘅朋友

資深演員黃樹棠（求叔）因癌症離世，享年77歲。黃樹棠在圈中人緣甚廣，拍攝過不少經典劇集，都能與對手結成好友，一班好友今早接獲他離世的消息，都非常難過，其中好友張文慈在社交網說：「棠哥，捨不得你呀！最可惜疫情關係不能探病，見不到你最後一面，一路走好，永遠懷念你。」

陳煒接受東網訪問說：「好難過，唔開心，上次Send訊息畀佢，佢都冇睇到，希望佢安息，永遠懷念咁好前輩，面帶笑容、冇架子，與後輩打成一片，係一個好好嘅朋友，永遠都懷念佢。」

蔡國威在社交網說發文悼念：「猶記得初入行的時候，不太敢和你對話或對上眼，因以為你是一個很惡的前輩，但慢慢在工作上和私底下接觸了，便知道我完全是錯的，你對工作非常認真，充滿熱誠，樂意教導和幫助每一位後輩私底下聚會，有你在場永遠充滿歡樂，時而搗蛋佻皮，愛捉弄大家，時而由心關心我們的一切，從你身上我學到很多很多，你不單是我敬重的前輩，長輩，更是我的摯友，希望你的家人節哀將來在天家我們能再會，願安息。」

而曾與黃樹棠在《我和殭屍有個約會》合作過的萬綺雯在社交網發文說：「求叔，好戰友，只願一路好走，在彼方繼續瀟灑！」

另外，江美儀都發文悼念：「我拍人生第一部電視劇《肥貓正傳》就同你合作啦，之後你又私底下同我哋班?仔一齊玩，一齊食，重同我哋打台灣牌。最重要係每年都同我一齊慶祝生日，因為我哋係同月同日生嘅好兄弟！唉⋯⋯我真係好唔捨得你呀！願你離苦得樂，南無地藏王菩薩。」

曾與他共事過亞視的藝人袁文傑也表現傷感，表示自己當年入行於亞視拍的第1套劇，已有幸與對方演對手：「佢演我其中一位師傅，開會時叫定我準備多啲奶茶、咖啡，拍攝時成日都提點，成個大細路咁同我哋玩埋一堆，係一個開心果。另一次合作做我爸爸，戲入面棠哥對我好嚴，但戲外大家合作得好開心。」更指對方後來離開亞視，但感覺與亞視關係仍舊親密：「每次聚會必定出席，會有講唔完嘅話題，棠哥會講自己經歷，完全冇架子，真係一個好好嘅前輩...其實我一直有個心願，係等自己有能力時籌備一個作品，畀『A記同學會』眾兄弟姊妹一個回憶，腦海入面第1個想合作藝人就係棠哥，依家冇機會。」