丁子朗新劇露腰又晒腿　孖江欣燕演母子擦出火花

丁子朗、余德丞及江欣燕日前為無綫新劇《青春不要臉》趕工，兩男表示跟欣欣有對手戲，戲服露腰又露「美腿」的子朗飾演其子，大讚「媽咪」是個好前輩，合作零壓力：「今次先算係正式合作，上一套劇《把關者們》只係同場擦身而過，冇對手戲，覺得佢好畀我哋發揮，對新演員嚟講係非常之好嘅事，想點演佢都take到，掉番轉頭係佢就番我哋。」余德丞亦笑言只要欣欣在場，氣氛必定好好，覺得她為人好隨和。

欣欣禮上往來讚子朗乖仔，更稱與他合作火花十足：「記得第一場戲係喺舞廳拍，主力係拍我哋唱歌，佢哋嗰日好早到，就周圍搵佢對稿，搵搵吓撞見，原來佢都搵緊我，大家未夾過想試吓個感覺，出嚟效果好OK。（有冇爆肚？）呢套冇得畀我做啲突如其來嘅嘢，因為比較煽情。」