鍾嘉欣生日！留言給「兩個」自己感恩充滿愛

唔經唔覺，鍾嘉欣已經37歲，睇番佢當年選華姐嘅相，就好似昨日發生咁！尋日（9日）係佢正日生日，嘉欣就晒佢慶生獨照，雖然唔見老公、囡囡同囝囝，但係見嘉欣拎住囡囡Kelly親手畫嘅生日卡，充滿愛同溫馨。

嘉欣仲用英文留言畀36歲同37歲嘅自己，畀36歲嘅佢就話：「感激你這一年來的經歷，令我長智了許多！」畀37歲嘅佢就話：「我為你準備好了！我急不及待想要更多的愛！」冇錯，嘉欣婚後就充滿愛，老公、仔女、粉絲.....個個都對佢愛護有加！