賈乃亮「甩身」唔使做老竇 王子文認愛素人

2021年04月11日 14:04
東網電視
更多新聞短片
早前曾演出大陸劇集《歡樂頌》嘅女星王子文,佢喺大陸相親節目《怦然再心動》中,公開承認自己有一個7歲大仔仔,震驚網友,更拖埋曾同佢傳緋聞嘅男星賈乃亮落水,被屈係小朋友嘅「爸爸」。不過事件發展神速,王子文終同素人男嘉賓配對成功!
喺尋日播出嘅大結局中,王子文同男伴吳永恩互通心意之後,就喺鏡頭前擁吻,場面感動又浪漫,雙方高顏值成為觀眾嘅討論對象,如今終成眷屬令人欣慰,同時吳永恩亦愛屋及烏,大方接受王子文嘅仔仔,做小朋友嘅「爸爸」,變相賈乃亮成功「甩身」。
王子文社交網晒出合照並改名,將原來英文名Olivia,改做「Ava」,因為男友吳永恩於節目中幫佢取名為Eva,為咗呼應男友英文名「Andrew」,特地將E換成A,暗藏閃光彈。