楊丞琳痛失女團位？《姐姐2》帶挈陳年舊歌拎鑽石銷量

台灣女星楊丞琳喺內地真人騷《乘風破浪的姐姐2》中表現亮眼，一路走到去總決賽，之前佢喺踢館賽中，就獻唱自己6年前歌曲《年輪說》，竟然令專輯再度被炒熱，更加帶旺銷售成績！

據大陸串流音樂平台認證，該張專輯數位銷售突破2,753,499首，銷售額達500萬元人民幣（約593萬港幣），係繼蔡依林後，第2位奪下鑽石數位唱片證認嘅港台歌手，成績斐然。

楊丞琳近日晒出旅遊相，咁啱老公李榮浩亦晒出相似背景嘅單人相，網友估係夫妻二人同遊，不過同時又傳出楊丞琳即將返台灣，令網友猜測佢最後未能成功組團，而節目則於16日播出最後一集，屆時會宣布成團名單。