怕出現蝦碌鏡頭　方力申隨時飲威士忌定驚

藝人方力申與伍詠薇出席《開心大綜藝》拜神。小方自爆因當年主持奧運時出現蝦碌事，至今存在着陰影，又笑言：「即使主持《美女廚房》，都已經係十幾二十年前嘅事，況且今次係現場直播嘛，志偉仲提議我哋玩遊戲時即興，搞到我仲驚。（飲酒定驚？）我真係帶咗支威士忌返嚟，放咗喺車，睇吓有冇需要用。」

而伍詠薇則表示對上一次主持無綫節目，已經是很多年前的《變身男女Chok Chok Chok》，她說：「入行以來好少做直播節目，不過一眾後輩主持都經驗十足，呢方面依家可以話係我前輩添，大家一埋位就互相溝通，過程非常享受。」