米雪新寵首出賽　竟然關何艷娟事？

藝人米雪同苗僑偉有份嘅愛駒「蟲草之星」成績好唔錯，但係依家已經退咗役，不過米雪好快就已經搵到新寵，就係「蟲草」系賽駒「蟲草成名」同「蟲草無敵」啦！佢哋今日初次在港上陣，米雪同苗僑偉當然有去撐場，仲搵埋江欣燕、喺《愛．回家之開心速遞》扮演「龍作蜜」嘅何艷娟到馬場，為愛駒出賽打氣，真係唔講唔知原來米雪同何艷娟係Friend嚟囉！

賽前米雪表示對「蟲草成名」充滿信心，而江欣燕則表示帶備現金投注碰運氣。至於苗僑偉話驚落沙圈會好多人搵佢影相，所以都只留喺廂房自拍！最終「蟲草成名」只能跑第7，至於147倍嘅大冷門「蟲草無敵」，就跑包尾，不過2匹馬都係初出，大把時間操好狀態，睇吓遲啲有冇表現啦！