同老公关系有变　叶童直言要空间：好需要分开

影星叶童与丈夫陈国熹由拍拖到结婚数十年，至近年关系“有变”！叶童自爆疫情下工作量减少，夫妻相处时间变多，觉得失去私人空间：“好需要分一分开！”

金像影后叶童近日客串ViuTV新剧《无限斜栋有限公司》，同剧以新演员居多，与混血美女卢慧敏饰演母女，个性极端的她不愿与女儿来往。入行多年演过无数角色，叶童坦言被此角色考起：“我冇做过妈咪，对角色有啲怀疑，唔知点去演妈咪唔要同女一齐、唔想见！我唔介意演妈咪，但捉唔到个感觉，点解可以完全唔想见个女？呢个系乜嘢感觉？冇信心演一个我唔了解嘅角色。”后来她跟导演分析后，决定一试。

爱上做家务

剧中她的角色独断独行，但她笑言真实的叶童是懒懒闲、拖泥带水、常找借口。但自从爆发疫症后，其生活从此改变，以前她觉得必须煲剧、睇戏，现在则爱上做家务、煮饭和运动：“疫情初期真系睇好多戏，但只系睇，好似冇做过任何嘢，咁多年累积睇咗咁多戏，我演技系咪好咗呢？我又唔觉特别好咗，忽然之间，唔好睇戏喇！早睡早起，做运动做家务。”

她发觉简单生活更贴近大众：“发觉从前唔系咁贴地，有一种凭感觉去揣摩角色，依家虽然平淡过日子，但有乐趣。”不过因留家时间多，开始想与老公保持距离，她说：“好需要分一分开，要小小空间，话题就可以讨论多啲。（你包容佢多啲？）系佢包容我多啲，我唔系一个称职家庭主妇，某程度上我系艺术家嚟，艺术家梗系需要被包容，哈哈！两个人一齐系互相体谅、包容。（你哋关系点？）关系OK，但大家都需要啲空间，疫情唔可以去街，佢又冇工返，大家喺同一个空间生活，但可能做唔同嘢，佢睇电视，我就入房睇书、打机。”

赞卢慧敏靓女

她笑言以前老公经常给予演戏意见，但现在她直言不想问：“依家我有啲反叛啰！宁愿角色出咗嚟，佢睇完畀意见。”提到“囡囡”卢慧敏，叶童即赞不绝口：“佢好靓女，又高脚又长。（似你入行时？）佢条件好好多！我哋出道嘅年代冇咁多竞争，依家竞争大啲、辛苦啲、多啲要求，如果我喺依家年代，未必出到嚟啰！”