「後生女」踩過界拍劇　勝在夠青春！

《#後生仔傾吓偈》一班「後生女」踩過界，殺入劇組拍《青春不要臉》！陳欣茵喺社交網晒出同黃凱儀（波波）、杜穎珊、黃芷欣嘅合照，留言：「青春，就是能夠一起入劇組，為了共同目標一起努力練舞排舞，經歷熱血沸騰的感覺，仲有。。。一齊流哂（晒）大汗餵蚊。」佢哋平均年齡先23、24歲，佢哋着上80年代造型，夠晒Colorful，完全冇突兀嘅感覺，佢哋絕對唔係青春不要臉，而係青春大晒，網友們都留言話好期待佢哋嘅演出！