郭可盈成家人撞晒樣　網友熱論阿女似邊個！

藝人郭可盈與林文龍育有女兒林天若（Tania），依家Tania大個女，開始經營個人社交網，時不時就晒出父母鏡頭後嘅日常，令人羨慕！今次就輪到媽咪郭可盈晒相，佢上載一家三口全家福，見佢哋出街食飯都要Selfie，仲要齊齊一致望向鏡頭，果然一家人一條心。

當中見到又大個女咗嘅Tania，同Daddy Mammy愈嚟愈似樣，而郭可盈同林文龍更加係愈來愈有夫妻相，難得舉家都「撞樣」，唔少網友就瘋狂熱論到底阿女似邊個。Tania眼大大又有神，對住鏡頭都冇怕醜，唔知第時大個女會唔會一樣入行做演員呢？