梁奕藍搞生酮飲食由自身做起：體脂減到得6%

曾參加《全民造星》的歌手梁奕藍（Hayden）除了藝人工作外，近年積極求變，開拓生酮飲食品牌，講到創業緣由，他表示要由他接觸生酮飲食講起：「我2018年參加完造星後出咗一首歌，我想操到好弗去拍MV，最初跟健身教練去做，食烚菜、烚雞胸肉，但堅持咗大半個月好辛苦，於是我上網搵其他飲食方法，開始生酮飲食，花咗3個月時間，唔止身形改變，體脂由13-15%減到6%左右，我覺得生酮飲食好好，個人好精神同健康，所以一直堅持呢個飲食方法至今已經2年多。」

Hayden指經常有朋友會問他關於生酮飲食的心得，他發現市面的生酮食品不多，這方面市場大有可為，於是就成立相關品牌﹕「我有網上商店賣生酮食品，包括朱古力、芝士蛋糕同薑醋，未來會開發更多食物，亦有實體店嘅工作坊，開講座灌輸大家生酮知識同教人整生酮嘢食。（投資多唔多？）唔多，5位數，因為我有2個非牟利團體幫我，我又會同生酮教練Zoe合作拍片去宣傳。」他稱創業除了想賺錢外，亦希望可以幫助其他人健康減肥，未來大計是色物投資者開設連鎖外賣店。