吳若希「錯愛」老公 陳欣茵爆喊嗌GM走開

20210412
東網電視
更多新聞短片
吳若希為新歌拍攝MV。
歌手吳若希(Jinny) 日前為產後推出的新歌《錯的一天》拍攝MV,此歌是劇集《伙記辦大事》的片尾曲,歌曲主題是講及錯愛,而Jinny在演繹這首歌時,亦勾起不少往事,她說:「歌曲係講喺錯嘅時間,愛上對嘅人,我覺得同老公相遇嘅時候,都唔係一個啱嘅時候,但佢的確係一個啱嘅人,其實如果嗰個係啱嘅人,所有問題都會解決到,一切只視乎自己嘅心態同取捨。」
「後生仔」深情演出
今次MV請來《#後生仔傾吓偈》的陳欣茵及曾展望(GM)參與拍攝,Jinny身為一個旁觀者眼看一個慘痛的愛情故事,她說:「我其實好似一個姐姐咁出現喺欣茵身邊,不過感情係兩個人嘅事,作為親人就只有去支持同陪伴。」導演盛讚兩位「後生仔」的深情演出,欣茵說:「我一睇到個故事,知道自己係要由頭喊到落尾,已經開始做足準備,就連GM到咗現場都叫佢行開,唔好騷擾我情緒,好開心導演滿意收貨,多謝Jinny畀我呢個演戲嘅機會。」
拍攝當日遇上復活節假期,Jinny家裏的姐姐也當然要放假,她說:「有咗小朋友之後就明白放假係忙過開工,除咗要照顧小朋友,仲要忙於做屋企嘅大小事務,今次有老公充當大廚,飯菜由佢負責煮,真心要讚賞吓,不過廚藝當然就有待改進。」