京滬佢玩晒！劉溫馨飛到北京第一時間歎烤鴨

無綫小花劉溫馨之前喺深圳拍完《白色強人II》後，就自己飛咗過去上海玩，原來佢都唔夠喉，玩完上海再飛北京，真係京滬佢玩晒！一到北京，佢就喺社交網發功，話一落飛機咩都唔做，就要即刻去開餐，究竟邊款北京菜有咁大吸引力呢？

佢留言：「一下飛機，就直奔心心念念的烤鴨了...感恩這麼愉快的晚餐，北京，好久不見！」原來佢係去歎正宗北京烤鴨。食飽飽後，佢又四圍去，到天安門廣場等名勝打卡，網民就發現，佢去到邊都係着嗰件大褸，同上海嗰件一模一樣，唔緊要啦，人靚就得！