盛勁為殺入明珠台　畀半中半英考起

無綫節目《衝上雲霄大選》亞軍盛勁為自從當選後事業發展順利，不但「疫」市創業開設點心店，幕前工作亦接踵而來，繼早前亮相《流行經典50年》獻唱，近日更殺入明珠台節目《港生活．港享受》，與前港姐黃碧蓮拍住上做主持。

他接受東網訪問時表示，第一次拍攝少不免緊張，但全靠拍攝團隊協助，令他能輕鬆應對：「第一次小小緊張，多多興奮，學到好多點樣對鏡頭講嘢技巧，因為我成日唔知望邊，好彩拍檔都好好，加上拍攝團隊非常友善，令我冇乜壓力。」他又指今次要以半中半英做節目，對在香港土生土長讀書長大的他並非易事，希望未來能繼續在工作中多多學習。