鄭希怡囡囡孖靚仔星二代合照變怕醜妹　網民嗌對親家

藝人鄭希怡自從參加咗綜藝節目《乘風破浪的姐姐》之後人氣急升，連帶佢嘅得意可愛囡囡「梁浸浸」亦備受關注，呢日佢上載囡囡6歲生日開Party嘅相到社交網，平時活潑好動嘅梁浸浸，今次一反常態，同陳小春囝囝Jasper一齊影相時，露出含羞答答嘅姿態兼咬住手指仔，另一隻手就攬住對方條腰，少女味出晒嚟，另一張相見到佢雙手搭住Jasper仲露出燦爛笑容，睇落佢哋真係似足一對小情侶，唔少網民都讚佢哋好有金童玉女Feel，由細識到大將來隨時會在一起，唔知鄭希怡同陳小春會唔會諗吓對親家呢？