繼父不幸離世！張彥博發長文道別摯愛感激「Dad」

生於破碎家庭嘅張彥博，一直視繼父如生父般看待，去年繼父不幸再度中風，彥博花盡積蓄照顧對方，又經常陪伴到醫院作定期覆診。不過今日凌晨，佢喺社交網透露繼父離世…

張彥博上載合照及發長文悼文繼父：「Uncle 感謝你～在我畢業後，最徬徨無助的時候，你為我背起了照顧媽媽的責任，給我時間和空間去追我的演藝夢，不但照顧媽媽和我，還有整個許家~千言萬語……」又感激繼父喺醫院最後幾晚都睇佢直播。雖然「張爸爸」曾叫佢唔使嗌自己做爸爸，「叫Uncle就得喇」，不過最後張彥博喺尾文都以「Dad」嚟稱呼對方：「跑咗成晚，叻叻喇，到終點喇～耶穌接咗你返去～永生鎖匙已在你手裏～喺天國等我哋~我會好好照顧媽媽～辛苦你了???～love u Miss u Dad」令人感觸。