姜濤否認同YOLO女拍拖：一切純屬誤會！

男團MIRROR到旺角出席公開活動，講到有傳姜濤與《YOLO的練習曲》成員的黃曉文（Candy）拍過拖，姜濤即時否認：「冇，我都係睇報道先知原來大家前後腳出現過喺附近地點，合作完微電影後只係間中喺社交網站交流吓，一切純屬誤會。」至於有傳Unfollow Candy的Ian，起初提起對方「一頭霧水」，後來才說：「我嘅社交網站好少follow異性，之前同佢只係禮貌上互相關注，冇聯絡，亦唔會特別想知佢嘅私事。」又笑言公司對他們的社交網有限制。

另外，講到曾志偉自爆曾向ViuTV高層魯庭暉「攞人」，誠邀姜濤上無綫節目，最終慘食檸檬，姜濤表示：「我都唔清楚老闆們嘅對話內容，但我哋全隊歡迎任何演出機會。（爭取上TVB？）我哋只係會爭取音樂方面嘅發展。」經理人花姐透露有看《聲夢傳奇》，她說：「拍得鏡頭好靚，我都要借鏡學習，睇到佢哋嘅效果，搞到我好似好窮咁。」