林子善39歲生日　唐詩詠馬國明隔空送麵包

藝人林子善今日39歲生日，繼日前好兄弟袁偉豪及黃祥興驚喜夜訪突襲慶生，嚟到正日，其「鐵馬家族」好友唐詩詠及馬國明雖然身在內地拍攝劇集《白色強人II》，但仍不忘拍片隔空送上生日祝福。片中見唐詩詠以麵包代替蛋糕，並表示：「我哋準備咗生日麵包畀你，希望你今年生日要咩有咩，BB女快高長大、聽教聽話。」馬國明則指：「子善，我都祝你生日快樂，一家人齊齊整整，最緊要身體健康。」相當有心，而「壽星仔」子善亦非常感動，更表示：「記得飲多啲水呀，你個傻豬加油呀！」

另外，子善在社交網上載與家人一同慶生的相片，見他向母親獻吻，相當有愛。他表示當自己做了爸爸後，令他深深體會到媽媽分娩時的辛苦，故他在直播時談及媽媽忍不住爆喊，他說︰「當你見過媽媽分娩嘅過程，你就會知道呢個世界冇嘢可以媲美母愛，所以自從我個女出咗世之後，以後我嘅生日正日一定要同媽咪慶祝多謝返佢，媽咪 I LOVE YOU，多謝你！」