蔣家旻扮貧乳AV女優：你話我有冇身材？

藝人蔣家旻於《欺詐劇團》內扮演編劇，不過應邀客串幕前，與張秀文齊齊化身AV女優吸客：「我被改咗藝名叫波多野莎莎，因為投資者鍾意『貧乳』，劇情仲交代我着肚兜畀人五花大綁，喺民初街拍，仲要有好多清兵喺隔籬！」

問到家旻是否覺得自己「貧乳」，她笑着回應：「秀文太好身材嘞，咁我覺得自己都OK嘅，所以自行加咗個對白，反問人覺唔覺得我有冇（身材）。」她又指《欺》劇其實只是意識上比較大膽，故希望稍後能於翡翠台播放：「如果原汁原味，觀眾應該會睇得好開心。（你台慶攞獎後搏命啲？）性感一定冇電影咁犀利，最緊要合情合理，我都係想又好機會發揮吓啫。」

同時推出2套劇

身為男主角的敖嘉年同時有《欺》劇及《伙記辦大事》推出，近期忙宣傳，他說：「我睇晒《欺》劇嘞，有啲位我感動到喊咗出嚟！」問到是否會再與無綫合作，他說：「應該係年尾。（咁嚟緊有咩新工作？ ）5月會開拍電影，依家同幕後搞緊個劇本，細節就未透露得住。」