萬箭穿心被嫌老！28歲迪麗熱巴回應「一箭雙鵰」

現年28歲嘅新疆美女迪麗熱巴同內地古裝劇《長歌行》小鮮肉細佢7歲嘅吳磊飾演情侶，雖然美女配型男，但結果似乎不似預期，唔少網民狠批兩人唔襯，迪麗熱巴「好老」，之前又被批造型難睇，萬箭穿心！

對於網民負評，迪麗熱巴話最初都擔心年齡感問題，但隨後表示：「我也不老呀，也是20多歲的人。」唔少支持佢嘅觀眾大讚佢呢個回應「一箭雙鵰」，一嚟大方得體，二嚟仲暗示埋自己年輕有青春本錢，贏晒啦！