曾寶儀自爆男友拍拖前唔知佢老竇係曾志偉

藝人曾志偉女兒曾寶儀近日接受台灣媒體訪問，罕有提起拍拖15年男友，佢表示男友個性十分低調，兩人默契地唔放閃，不過曾寶儀出嘅新書就難得分享愛情觀：「停止討好式戀愛，因為真正愛你的人，根本不需要你去討好他。」

今次曾寶儀激罕提到同男友拍拖點滴，佢透露男友係大學時識嘅師兄，喺兩人交往後男友先得知自己父親係曾志偉，當時對方成個人都晴天霹靂，一度覺得咁樣拍拖會好麻煩，仲差啲陷分手邊緣，唔鍾意「被八卦」嘅二人從此就特別注意喺公眾場合「唔放閃」。佢又大方分享男友欣賞自己嘅男子氣概，有時仲會搭男友肩膀，對方即笑佢「Man」。