劉穎鏇Curry上身射3分！網民錯重點放落長腿度

身高有1米76嘅前港姐劉穎鏇向來都係運動健將，佢仲打過籃球校隊，又靚又打得，當年梗係校內風頭躉啦！不過佢近日因為忙拍劇，又要宣傳，所以少咗落籃球場大顯身手。不過佢點都抽時間落吓場，仲Curry（NBA球星史堤芬居里）上身射3分，當然要將自己嘅英姿放上社交網開心Share！

大家都知射3分好講手感，佢未至於百步穿楊，但手感唔錯，入咗好多球穿針，連佢自己都留言話咁耐冇落場，手感依然良好。唔少網民都讚佢打波有姿勢有實際，條長腿仲好吸睛添。