方力申主持鬼古節目　馮盈盈嘈爆擋煞

藝人方力申、馮盈盈在將軍澳電視城出席《myTV SUPER 5周年•myTV Gold快樂 Triple Up》記招。方力申與唐劍康（當奴）主持的節目《鬼上你架車》，請來馮盈盈做嘉賓，他笑言拍攝時快被她的聲浪震聾耳朵：「連當奴都話原來馮盈盈真係咁嘈，仲要當時喺車上面，冇得走。」他在台上笑言邀請馮盈盈做嘉賓，是因為有她的節目都會爆紅，又大讚她充滿活力。問到會否擔心鬼古節目變成搞笑節目？他說：「唔怕，亦冇諗過同其他台同類節目比較，所以冇壓力，除咗盈盈做嘉賓，仲有唐詩詠、張繼聰、蔡潔等等。」

馮盈盈自言很怕鬼，從小到大也未完整看過一套鬼片，節目中更被主持整蠱，嚇到她花容失色。講到她笑言向高層樂易玲自薦想拍攝古裝劇，她指自己今日一身打扮像俠女，對古裝劇也很有興趣。方力申則笑指古裝街很猛鬼，但她笑言可以用「聲煞」嚇退。