唔羨慕ANSONBEAN多Job!楊甯自嘲係蝌蚪

20210415
東網電視
更多新聞短片
《全民造星III》20強之一的楊甯早前拍攝了一輯造型照,有近10個造型展現出不同面貌,當中更有騷肌相,他稱未有因此而特別操肌,他解釋:「我本身係好好動嘅人,亦係兼職運動員,所以我一直處於高強度體育訓練環境中,加上我食嘢唔係特別吸收,所以我唔會因為食多而肥或腫,好多人好羨慕,但我嘅肌肉亦係得來不易。」他自言是一個勞動工作者,唔郁唔舒服。講到拍攝趣事時,他笑言部分相片想營造煙霧效果,但又沒有相關工具,最後要工作人員邊吸煙邊對他噴煙,十分搞笑!
參選完《造星III》後,楊甯自認為並不是一個成熟表演者,有意在演戲、編曲、樂器上有所進步,現正跟唱歌老師學習,希望在下一個舞台有更好表現。問到會否羨慕其他《全III》參賽者如ANSONBEAN及Ben等有廣告及舞台劇工作,他坦言:「我好欣賞佢哋,佢哋係好真誠同努力嘅人,但唔會特別去羨慕佢哋現有嘅嘢,我覺得好多嘢需要磨練及見識,而我希望喺呢段時間見識多啲、學習多啲,令大家見到一個更加優秀嘅自己。我只係一個努力攀爬嘅蝌蚪。」