陳庭欣擔心舊愛翟威廉　陳凱彤照上Happy Live夾歌

藝人翟威廉（William）於圈中人緣甚佳，踏入36歲生日，負面新聞纏身，迎來如此大的衝擊，他指一班好友如陳庭欣、周志康及周志文都一度很擔心他。William說：「當然依家就冇喇，因為都過咗兩個星期，同埋我覺得真正嘅支持，唔一定係喺網上面post啲乜嘢，而係用行動支持。（佢哋擔心你啲乜嘢？）擔心我點去應對，覺得係公關災難，同埋應該點樣去避重就輕，但我又覺得唔使，乜嘢都照直講，人哋點睇我，其實我唔太Care。」

除了一班老友記，不少藝人都如常上由William、周志文及周志康組成的「Happy Live」唱歌，這亦令William感到溫暖：「乜嘢都係同以前一樣，陳凱彤、羅天宇等都有嚟Happy Live夾歌，生活一切照舊，朋友照約我踢波，大家都係成年人，冇受到任何影響。」