啦啦隊女神跳舞失手頭落地 畫面勁嚇人!

20210416
東網電視
更多新聞短片
台灣節目《綜藝大熱門》日前播出一集,請來一班啦啦隊嚟表演跳舞,當中啦啦隊「Rakuten Girls」成員李恩菲(菲菲)表演後手翻時,失手成個頭直插落地,條頸都拗埋,睇到人心驚膽顫!不過,菲菲最後冇事,仲好專業咁企番起身跳埋隻舞,令人敬佩!
菲菲事後講番失手原因:「剛剛是要往後翻一個,可是地板很滑,我整個直接敲到頭!」主持人吳宗憲問佢要唔要再挑戰一次,佢話:「可是地板很滑。」旁人都大嗌危險叫佢唔好再試,佢都無奈話:「剛剛綵排都沒有失誤,結果今天太滑,但是還是要繼續跳完。」真係夠晒專業!
之後佢都有喺社交網晒番綵排時嘅片段,見佢一氣呵成,非常完美!佢留言:「終於知道甚麼是跌倒了,再站起來就好,雖然當下摔倒我已經失魂了根本不知道自己怎麼再站起來,面對這麼大的舞台這麼多人的現場,還是跳完整支舞,佩服自己的勇氣,沒有覺得自己特別厲害,但至少很努力想讓表演更好,希望你們喜歡這樣愛表演的我附上一個綵排沒滑到版。」
菲菲依家24歲,青春無係敵,係台灣啦啦隊「Rakuten Girls」成員之一,佢樣靚身材正,冧粉絲都有一手,喺社交網成日晒水着相,成功吸咗14.4萬粉絲!
----------------------------------------
世事如棋局局新,娛圈熱話數之不盡,唔想Out、唔想同班Friend冇話題?就一定要留意繽FUN專題嘅「熱話」喇!