神還原經典！「送水輝」里奧仔上身幫「大小姐」畫裸照

無綫處境劇《愛．回家之開心速遞》成日都有好多天馬行空嘅場口，當中「大小姐」林淑敏同「送水輝」許家傑呢對CP更令網民相當受落。許家傑就喺社交網Post《愛．回家》講佢哋神還原經典電影《鐵達尼號》Jack幫Rose畫裸照嘅一幕，真係超爆笑。

只見本身英文名都係叫Jack嘅許家傑戴上畫家帽，造型同里奧勒度狄卡比奧一樣，但林淑敏拍照時已着番件衫，不過畫中嘅Rose同《鐵》嘅畫風有啲唔同，勁有畢加索Feel。許家傑留言：「為咗呢場戲，足足戒咗兩個鐘頭口，一早起身飲咗齋啡。先可以畫出咁苗條嘅身形，最後一張是我心目中的大小姐！」而林淑敏即回覆：「我覺得我係完美㗎！畫靚過真人好多！」唔少網民睇完都話笑爆嘴，仲話幅畫好靚添！