李施嬅嚴選今年隔離期最愛菜式：係好豐富嘅

藝人李施嬅（Selena）2月由加拿大拍完劇返嚟香港隔離21日，早已隔離完成嘅佢呢排過番「自由」嘅生活。但近日佢就喺社交平台分享，自稱「隔離女王」嘅佢話諗起過去1年經歷咗隔離：「突然諗起過去一年，2020居家隔離，2021酒店隔離，都係喺加拿大拍完劇回港，手帶都明顯upgrade了。2022期待隔離變成歷史，一定會更好！」

鍾意食嘢嘅佢又分享番今年隔離最愛嘅指定早午晚三餐，見到有中菜、日本菜、印度菜、泰國菜，又有沙律、湯水、甜品，唔同款式，睇落去都好似幾好食咁，難怪佢隔離嗰陣都keep住容光煥發啦！有網友笑言啲隔離餐仲豐富過佢自己平時嘅嘢食，Selena笑住回覆：「係好豐富嘅。」