汪明荃組團行城門水塘　邊個有份成新寵？

汪明荃向來好識養生，周不時做運動同行山，令自己身體健康啲！不過佢今次行山就撇甩老公羅家英，向來鍾意提攜後輩嘅佢就約埋郭子豪、黃建東、王希妍行城門水塘，當然一呼百應啦！

雖然汪明荃同佢哋幾個唔同年齡階層，但佢哋完全冇隔膜，一路行山一路影靚相，幾咁Friend呀！汪明荃留言：「今早（昨日）去城門水塘行了2個多小時、天陰、微雨、行了16,000多步，今日的四人新組合：郭子豪+黃建東+王希妍+liza。」唔少網民都話呢個組合好新鮮，仲話「跟住阿姐去行山」一定有得着！