王力宏激罕留鬚Look曝光！同奇洛李維斯撞樣？

外國人好鍾意留鬚，但華人因為鬚根唔多好難Carry到，不過亦有例外，好多靚仔型男都會突然換吓新Look玩「鬚根騷」，留起鬚嚟成個樣唔同晒，就好似何廣沛、張智霖、張家輝、羅子溢等......個個留鬚後煥然一新。

咁最新係邊個留鬚？就係出名青靚白淨嘅王力宏。好友陳建州喺社交網上載王力宏新相，只見佢滿臉鬚根，佬味出晒嚟，好多網民都話認佢唔到，又話佢留鬚後同荷里活型男奇洛李維斯撞樣，睇落又真係幾似！