偷食事件後復出無期　文章注銷個人工作室

內地男星文章2014年因背孕妻馬伊琍偷嗒同劇女星姚笛，停工至今並與馬伊琍離婚，今年年初更被大陸傳媒拍到喺海南島三亞隨地小便，形象一落千丈，未見彈起。一直冇嘢做嘅佢，難得去年演出央視劇集《裝台》，不過就遇上廣電總局發公告剔除劣迹藝人，劇集播出7集後佢就消失無蹤。

今日就有陸媒報道，指文章工作室「上海路路影視文化工作室」企業狀態由存續變更為注銷，公司於2012年成立時，法定代表人就係文章，由文章100%控股，經營範圍包括影視文化藝術活動交流與策劃，文學創作，企業形象策劃，禮儀服務等。