舒淇生日馮德倫將佢變醜！「老婆」林熙蕾願陪伴一生

日子過得好快，今日係影后舒淇45歲生日，不過佢牛一要同老公馮德倫分隔異地，舒淇就喺台灣，馮德倫就留喺香港。老婆生日，馮德倫就惟有用視像同舒淇傳情，不過佢就將老婆個樣變形，變成醜樣照，唔少網民即笑佢咁做等同「自殺」，馮德倫又用英文留言：「我的靚老婆生日快樂，繼續笑，繼續年輕！」

不過最有心，一定係舒淇好友林熙蕾，晒出多張合照，又用「老公」嚟稱呼舒淇：「老公生日快樂，下半輩子我還是會繼續陪伴着你!love you！」